अंधश्रद्धा निर्मूलन समितीचे अध्यक्ष डॉ. नरेंद्र दाभोळकर(Dr Narendra Dabholkar) यांची गोळ्या झाडून हत्या करण्यात आली होती. या हत्येप्रकरणी आज महत्त्वाचा दिवस आहे.या प्रकरणी पुणे सत्र न्यायालयालयात (Pune Session court) आज निकाल सुनावण्यात येणार आहे. दाभोळकर यांच्या हत्येच्या 11 वर्षांनी या खटल्याचा निकाल लागणार आहे. या हत्येनंतर, 15 सप्टेंबर 2021 रोजी पुण्यातील विशेष न्यायालयात सुरू हा खटला सुरु झाला होता. त्यानुसार, आज शुक्रवार 10 मे रोजी निकाल आहे. विशेष सत्र न्यायाधीश पी.पी. जाधव काय निकाल देतात याकडे संपूर्ण राज्याचं लक्ष आहे.
पाच आरोपिंवर खटला
डॉ. नरेंद्र दाभोळकर यांच्या हत्त्येप्रकरणी (Dr Narendra Dabholkar Murder Case) , पाच आरोपींविरोधात दोषारोपपत्र दाखल होत त्याच्यावर खटला सुरु होता. ज्यात वीरेंद्र तावडे, सचिन अंदूरकर, शरद कळसकर, वकील संजीव पुनाळेकर आणि त्यांचा सहाय्यक विक्रम भावे यांचा समावेश आहे. यापैकी संजीव पुनाळेकर व विक्रम भावे हे सध्या जामीनावर बाहेर आहेत.
आशी झाली होती हत्या
20 ऑगस्ट 2013 च्या सकाळी डॉ. नरेंद्र दाभोलकर हे मॉर्निंग वॉकला गेले असता सकाळी 7 वाजून 15 मिनिटांच्या सुमारास ओंकारेश्वर मंदिराजवळील महर्षी विठ्ठल रामजी शिंदे पुलावर त्यांच्यावर गोळ्या झाडण्यात आल्या होत्या. मोटारसायकलवरून आलेल्या दोघांनी अगदी जवळून त्यांच्यावर पिस्तुलाने गोळ्या झाडल्या होत्या. ज्यात एक गोळी डॉ. दाभोलकरांच्या छातीत दुसरी डोक्यात गेली होती. या घटनेनंतर, महाराष्ट्रासह देशभरात खळबळ उडाली होती.
कारण महाराष्ट्रा सारख्या पुरोगामी विचाराच्या राज्यात दिवसा ढवळ्या असा घडलेला हा प्रकार अनेकांना अस्वस्थ करणारा होता. त्यानंतर, कॉम्रेड गोविंद पानसरे (2015), एम.एम कलबुर्गी (2015) आणि पत्रकार गौरी लंकेश (2017) यांचीही अश्याचप्रकारे गोळ्या झाडून हत्या करण्यात आली. या सर्व घटाना कुठेना कुठे एकमेकांशी जुळल्या आहेत का त्या दृष्टीने पोलीस तसाप सुरु आहे.
