गेवराई पोलिसांनी बनावट शिंदी तयार करून विक्री करणाऱ्या टोळीवर धडक कारवाई करत एका आरोपीला अटक केली असून ₹4,71,375 किमतीचा मुद्देमाल जप्त केला आहे.पोलीस अधीक्षक नवनीत कांवत यांच्या मार्गदर्शनाखाली ही कारवाई करण्यात आली. दिनांक 1 जुलै 2026 रोजी मिळालेल्या गोपनीय माहितीच्या आधारे पोलीस निरीक्षक किशोर पवार यांच्या पथकाने संजय नगर, गेवराई येथे दुपारी सुमारे 2 वाजता छापा टाकला.या कारवाईदरम्यान हनुमान शंकरराव माकडे (वय 57, रा. संजय नगर, गेवराई) यास ग्राहकांना बनावट शिंदी विक्री करताना रंगेहात पकडण्यात आले. त्याच्या ताब्यातून बनावट शिंदी तयार करण्यासाठी लागणारे रसायने, साहित्य, 205 लिटर बनावट शिंदी, तसेच एकूण ₹4,71,375 किमतीचा मुद्देमाल जप्त करण्यात आला.पोलिसांनी आरोपीविरुद्ध भारतीय न्याय संहिता कलम 123, 274, तसेच अन्न सुरक्षा व मानके अधिनियम व इतर संबंधित कायद्यांनुसार गुन्हा दाखल केला आहे. आरोपीला अटक करण्यात आली असून न्यायालयात हजर करून पुढील तपास सुरू आहे.या प्रकरणात शिंदी पिण्यासाठी आलेल्या सहा ग्राहकांनाही ताब्यात घेऊन त्यांच्यावरही कायदेशीर कारवाई करण्यात आली आहे.ही कारवाई पोलीस अधीक्षक नवनीत कांवत, अपर पोलीस अधीक्षक समीर शेख, उपविभागीय पोलीस अधिकारी अनिल कटके यांच्या मार्गदर्शनाखाली पोलीस निरीक्षक किशोर पवार व त्यांच्या पथकाने यशस्वीरीत्या पार पाडली.
