पुणे प्रतीनिधी: रामटेकडी बीआरटी मार्गावर येण्या-जाण्यासाठी काही ठिकाणी बॅरिकेट्स लावलेले नाही आणि त्या मार्गाची रुंदीही कमी असल्याकारणाने हा अपघात झाला असल्याची माहिती स्थानिक देत आहे. पीएमपीएल ही रातराणी बस होती. यामध्ये ५ ते ६ प्रवासी प्रवास करत होते. खासगी बसच्या प्रवाशांबाबत अद्याप माहिती मिळू शकलेली नाही. पण, प्राथमिक माहितीनुसार ड्रायव्हर सोबत काही प्रवासी किरकोळ जखमी झाले आहेत.
वानवडी पोलीस स्टेशन हद्दीमधील हडपसर स्वारगेट बीआरटी मार्गात पीएमपीएल बसला खासगी ट्रॅव्हल्सने समोरासमोर जोरदार धडक दिल्याने भीषण अपघात घडला. ही घटना आज सकाळी पहाटे साडेचार वाजण्याच्या सुमारास घडली. यामध्ये पीएमपीएल बस चालक सुनील रामचंद्र कोलते यांच्या पोटात स्टेअरिंगचा रॉड घुसल्याने ते गंभीर जखमी झाले आहेत. तर कंडक्टर संदीप उत्तम जराड हे सुद्धा जखमी झाले असून त्यांना रुग्णालयात उपचाराकरिता दाखल करण्यात आले आहेत.या दोन्ही बस एकमेकांना समोरून धडकल्या. सुदैवाने यामध्ये कोणतीही जीवितहानीझाली नाही. पण, हा अपघात इतका भीषण होता की दोन्ही वाहनांचा चक्काचूर झाला आहे. शनिवारी पहाटे ४.४५ च्या सुमारास हा अपघात झाल्याचा माहिती आहे. घटनास्थळी वानवडी पोलीस पोहचले असून रोड वाहतुकीसाठी मोकळा करण्यात आला आहे. तर खासगी बस चालक युसुफ शेख हा गंभीर जखमी असून दोघांनाही रुग्णालयात दाखल करण्यात आले आहे. बस आणि ट्रॅव्हल्स जोरदार अपघात झाल्याने दोन्ही वाहनांमधील प्रवाशांना किरकोळ मार लागलेला आहे.
हडपसर रामटेकडी बीआरटी मार्गावर पहाटेच्या सुमारास खासगी बस प्रवासी घेऊन बीआरटी मार्गावरून पुण्याच्या दिशेने जात होती. त्याचवेळी समोरुन पीएमटी बस आली. दोन्ही बस कन्ट्रोल झाल्या नसल्याने त्यांची समोरासमोर टक्कर झाली, अशी प्राथमिक माहिती आहे.रामटेकडी बीआरटी मार्गावर येण्या-जाण्यासाठी काही ठिकाणी बॅरिकेड्स लावलेले नाही आणि त्या मार्गाची रुंदीही कमी असल्याकारणाने हा अपघात झाला असल्याची माहिती स्थानिक देत आहे. पीएमपीएल ही रातराणी बस होती. यामध्ये ५ ते ६ प्रवासी प्रवास करत होते. खासगी बसच्या प्रवाशांबाबत अद्याप माहिती मिळू शकलेली नाही. पण, प्राथमिक माहितीनुसार ड्रायव्हर सोबत काही प्रवासी किरकोळ जखमी झाले आहेत.सुदैवाने यामध्ये कोणतीही जीवितहानी झालेली नाही. पण, दोन्ही बसचा समोरील भागाचा चक्काचूर झाला आहे. क्रेनच्या सहाय्याने दोन्ही बस रोडच्या कडेला लावल्या असून वाहतुकीसाठी मार्ग मोकळा करण्यात आला आहे.
