पुणे : पुणे स्थानकावर शनिवारी एका प्रवाशाचा मृत्यू झाल्यानंतर रेल्वे प्रशासनाला जाग आली असून स्थानकावर पोलिस, आरपीएफ व तिकीट निरीक्षकांच्या संख्येत वाढ करण्यात आली आहे. तसेच कोणतीही अप्रिय घटना घडू नये म्हणून योग्य ती खबरदारी घेण्याचे आदेश प्रशासनाने दिले आहे. २४ ते ३१ ऑक्टोबर दरम्यान फलाटाचे तिकीटही वाढवण्यात आले आहे.दरम्यान, रविवारी आरपीएफचे मुख्य सुरक्षा आयुक्त अजय सदानी यांच्यासह पुणे विभागाचे वरिष्ठ अधिकाऱ्यांनी पुणे स्थानकाची पाहणी केली. यावेळी अतिरिक्त विभागीय रेल्वे व्यवस्थापक ब्रिजेशकुमार सिंग, वरिष्ठ विभागीय वाणिज्य व्यवस्थापक डॉ मिलिंद हिरवे आदी उपस्थित होते.पुणे स्थानकावर सकाळपासूनच गर्दीबाबत दक्षता घेण्यात येत होती. सकाळी पुणे – हटिया एक्सप्रेसलादेखील प्रवाशांची गर्दी अधिक होती. मात्र त्यावेळी डब्यासमोर आरपीएफ व तिकीट निरीक्षकांची नियुक्ती करण्यात आली होती. त्यामुळे गर्दीवर नियंत्रण ठेवता आले. तसेच स्थानकावर प्रवेश करणाऱ्याला प्रवाशांचे तिकीट पाहून त्यांना प्रवेश दिला जात होता. प्रवाशांना रांगेतून सोडण्यात येत होते. स्थानकाच्या परिसरात देखील प्रवाशाची गर्दी होऊ नये, म्हणून विशेष काळजी घेतली जात होती. गर्दी टाळण्यासाठी उपाययोजना २४ ते ३१ ऑक्टोबरदरम्यान फलाटाचे तिकीट १० रुपयांवरून ३० रुपये आरपीएफचे ३० जवान व लोहमार्ग पोलिसांचे ४५ पोलिसांना तैनात महत्त्वाच्या रेल्वे नेहमीच्या वेळेपेक्षा आधीच फलाटावर घेण्यात येणार डब्याचे डिस्प्ले लवकर होईल. त्यामुळे तातडीने डबा शोधणे शक्य तिकीट निरीक्षकांना सूचना रेल्वेत गर्दी होऊ नये म्हणून रेल्वे प्रशासन वेटिंगच्या प्रवाशांची संख्या वाढल्यावर त्याला रिग्रेट करते. त्यामुळे वेटिंग तिकिटांची देखील विक्री बंद होते. मात्र स्थानकांवर अनेक प्रवासी जनरल तिकीट काढतात किंवा तिकीट निरीक्षकाकडून पावती फाडून घेतात. त्याच्या आधारे ते प्रवास करतात. गाडीत गर्दी होऊ नये याचा उद्देशाला हरताळ फासला जातो. रेल्वेला विना तिकीट प्रवाशाकडून जास्तीचे उत्पन्न मिळते. मात्र गाडीत गर्दी व्हायची ती होतेच. यापार्श्वभुमीवर जास्त ‘इएफटी’ न करण्याच्या सूचना देण्यात आल्या आहेत.प्रवाशांची गर्दी होऊ नये विविध उपाययोजना आखण्यात आल्या आहेत. लोहमार्ग पोलिसांनी दिलेल्या माहितीनुसार संबंधित प्रवाशास दम्याचा त्रास होता. त्यातच त्याचा मृत्यू झाला. गर्दीमुळे त्याचा मृत्यू झालेला नाही. -मनोज झंवर,जनसंपर्क अधिकारी, रेल्वे, पुणे.
