पुणे:पिसोली, उंडरी येथील ए आर वी न्यू. टाऊन येथील उच्च शिक्षित महिलांनी केला घरकाम करणाऱ्या महिलांचा विशेष सन्मान.गृह उपयोगी वस्तूंचे केले वाटप.ह्या सगळ्या कार्यात सौ मारिया पिल्ले,सौ सना खान,सौ. त्रिशा दास पटनाईक,सौ मोनिका शहा,सौ नाजनिन सय्यद,सौ आकृती कर्णिक,सौ सुश्री रेहाना बेग,सौ गौरी शिंदे ह्यांनी विशेष पुढाकार घेतला .ह्या सर्व महिला आय टी शिक्षण,अशा क्षेत्रात कार्यरत असून ह्यांना घरकाम करणाऱ्या महिलांचे खऱ्या अर्थाने महत्त्व कळते. विंग A ते विंग B–6 ह्या सर्व विंग मधील ह्या महिलांनी एकत्रित रित्या योगदान करून ह्या महिलांचा सन्मान केला.घरकाम करणाऱ्या महिला अशा घराबाहेर किंवा घरात राहून वर्क फ्रॉम होम करणाऱ्या महिलांना वेळोवेळी सहकार्य करतात प्रसंगी आपल्या लेकरं बाळांची आबाळ करतात परंतु आपल्यावर विसंबून असणाऱ्या महिलांना संपूर्ण सहकार्य करतात.ह्याच कर्तव्याची जाणीव ठेवून ह्या सर्व महिलांनी घरकाम म्हणजे धून भांडी, फरशी पुसणे झाड लोट करणे,स्वयंपाक करणेअशा काम करणाऱ्या महिलांचा सन्मान केला त्यांना गृह उपयोगी वस्तू जसे साखर,ब्रिटानिया बिस्कीट, सौनिटरी नॅपकिन देऊन त्यांची अल्पशी मदत केली.समाजातील प्रत्येक महिलेला सन्मानाने जगण्याचा अधिकार आहे आणि त्यासाठी सर्व क्षेत्रातील लोकांनी अशा कार्यक्रमाचे आयोजन करून तळागाळातील,खेडोपाड्यात राहणाऱ्या शेत मजूर,घरकाम,बांधकाम रस्ते साफसफाई अशा जागी काम करणाऱ्या महिलांचा सन्मान करून महिला दिनी त्यांचा ह्यावर हक्क आहे असे समजून त्या दिवशी तरी त्यांचा आदर करावा.एरवी तिचे कुटुंब म्हणजे तिचे विश्व तिची कर्तव्ये म्हणजे तिचे जग असे असते म्हणून एखाद्या अशा विशेष दिनी तिला स्वतंत्र विश्वात रमण्याची मानसन्मान मिळवण्याची मुभा नक्कीच मिळावी.
