दिनांक 21/06/2025
मा.पोलीस अधीक्षक,बीड यांनी अवैध धंद्याविरुध्द कारवाई करण्याचे आदेश दिलेले आहेत. त्यावरुन पोलीस निरीक्षक श्री. शिवाजी बंटेवाड स्था.गु.शा.बीड यांनी अवैध धंद्याविरुध्द गोपनिय माहिती काढुन कारवाई करण्यासाठी स्थागुशा पथकांना सुचना दिलेल्या आहेत. दिनांक 20/06/2025 रोजी स्थागुशा बीड येथील पोउपनि महेश विघ्ने हे वरिष्ठांचे आदेशान्वये पोलीस ठाणे चकलंबा हद्दीमध्ये अवैध धंद्याची माहिती काढत असतांना गुप्त बातमी मिळाली की, मौजे गैबीनगर तांडा ता.गेवराई येथे काही इसम बी.एस.एन.एल टॉवरचे समोरील इसम नामे संभाजी नाटकर यांचे ऊसाचे शेतातील पत्र्याचे शेडचे बाजुला ऊसाचे शेतामध्ये पैश्याची बाजी लावुन हार जीत चा तिर्रट नावाचा जुगार खेळत आहेत. अशी माहीती प्राप्त झाली होती.यावरुन सदर ठिकाणी दोन पंचासमक्ष जावुन छापा टाकला असता सर ठिकाणी आठ इसम गोलाकर रिंगण करुन तिरट खेळताना दिसले.यातील एक इसम पोलीस पार्टीस पाहुन ऊसाचे शेतामध्ये पळुन गेला. उर्वरीत सात इसमांना ताब्यात घेतले.त्यांची नावे 1) संभजी नाटकर रा.राक्षसभुवन 2) किशोर प्रधान रा.धोंडराई 3) अनिल राठोड रा.ठाकरवाडी तांडा 4) पिकाजी राठोड रा.कुंभेजळगाव 5) संजय शिंदे रा.धोंडराई 6) रविंद्र कोठी रा.गेवराई 7) शेख जावेद रा. रा.राक्षसभुवन असे आहेत.सदर इसमांचे ताब्यातुन चार मोटार सायकल ,एक चार चाकी वाहन व 10800 रोख रक्कम असा एकुण 08 लाख 92 हजार रुपयांचा मुद्देमाल जप्त करण्यात आला आहे.सदर सात इसमाविरुध्द पोलीस ठाणे चकलंबा येथे महाराष्ट्र जुगार कायदान्वये गुन्हा नोंद करण्यात आला आहे.सदरची कामगिरी मा.श्री. नवनित कॉंवत पोलीस अधीक्षक,बीड , मा.श्री. सचिन पांडकर अपर पोलीस अधीक्षक बीड, पोनि श्री. शिवाजी बांटेवाड स्था.गु.शा.बीड यांचे मार्गदर्शनाखाली पोउपनि महेश विघ्ने , पोह/ महेश जोगदंड, राजु पठाण, राहुल शिंदे, पो शि/बप्पासाहेब घोडके, चालक गणेश मराडे यांनी मिळुन केलेली आहे.
