सुकळी– ( प्रतिनिधी ) सुखदेव गायकवाडं तुम्ही पुन्हा जर राजू रामा गायकवाड बालमटाकळी यांच्याबरोबर वाद केले तर तुम्हाला जीवे ठार मारून टाकू अशी धमकी देऊन अशोक लक्ष्मण जाधव बालमटाकळी यांच्यासह बंधू व बायकांना जबर मारहाण केल्याप्रकरणी अशोक लक्ष्मण जाधव यांनी शेवगाव पोलिसात फिर्याद दाखल केली असून चौघा विरोधात गुन्हा दाखल करण्यात आला आहे ,शेवगाव तालुक्याच्या बालमटाकळी येथील अशोक लक्ष्मण जाधव, वय 40 वर्षे ,व्यवसाय -मजुरी यांनी शेवगाव पोलिसात दिलेल्या फिर्यादीत म्हटले की , मी बालमटाकळी येथे माझी पत्नी सुमित्रा, आई तारामती ,भाऊ रमेश लक्ष्मण जाधव, संजय लक्ष्मण जाधव ,भाऊजई सोनाबाई व दैवशाला अशी आम्ही आमचे मुला बाळासह एकत्रित राहतो व ऊसतोड मजुरी करून आमचे कुटुंबीयांची उपजीविका भागवतो ,दिनांक 25 .12 .2022 रोजी रात्री 10:30 वाजता चे सुमारास आमचे राहते घरासमोर आमची गावात राहणारे राजू रामा गायकवाड व अक्षय संजय गायकवाड यांनी माझा भाऊ संजय लक्ष्मण जाधव या शिवीगाळ करून लाथा बुक्क्यांनी मारहाण केली होती , याबाबत त्याने बोधेगाव दूरक्षेत्र येथे तक्रारी ही दिली होती सदरचे वाद मिटवण्याकरता दिनांक 28 .12 .22 रोजी सकाळी 6 वाजता चे सुमारास मी व माझा भाऊ रमेश व भाऊजही सोनाबाई अशी आम्ही रामदुर्गा साखर कारखाना कर्नाटक येथून आल्यानंतर आम्ही लोकांना सांगून सदर इसमांना बोलावले परंतु ते दिवसभरात आले नाही त्यानंतर 28 .12 .22 रोजी रात्री 8 चे सुमारास मी माझा भाऊ रमेश व संजय असे आमचे घराचे समोर बालमटाकळी येथे उभी असताना श्रावण गणपत पवार नवघन राजुरी ,तालुका, जिल्हा बीड, अक्षय संजय जाधव ,राजू रामा गायकवाड बालमटाकळी तालुका शेवगाव व मच्छिंद्र माणिक वंजारी रा, मुरमी तालुका शेवगाव असे या ठिकाणी काठ्या व हत्यारे घेऊन आले व आम्हाला शिवीगाळ करू लागले ,त्यानंतर आम्ही त्यांना शिवगाळ का करता असे म्हणालो असता यातील श्रावण पवार यांनी त्याचे हातात असलेला लोखंडीगज घेऊन माझ्या डोक्यात मारला व मला जखमी केले व अक्षय जाधव यांनी हातातील लाकडी काठीने माझा भाऊ रमेश यांचे डोक्यात मारून जखमी केले तसेच आमचा आवाज ऐकून सोडवा सोडव करण्याकरता माझी भाऊजय दैवशाला ही मध्ये आली असता तिला राजु रामा गायकवाड यांनी लोखंडी गजाने मारहाण करून जखमी केले तसेच लाथा बुक्क्यांनी मारहाण केली, त्यानंतर मच्छिंद्र वंजारी व श्रावण गणपत पवार यांनी हातात लोखंडी सत्तुर , चाकू घेऊन आम्हाला म्हणाले की ,तुम्ही जर पुन्हा राजू रामा गायकवाड याचे बरोबर वाद केले तर जीवे मारून टाकू अशी धमकी दिली व तिथून निघून गेले, शेवगाव येथील ग्रामीण रुग्णालयात आम्ही उपचार केल्यानंतर शेवगाव पोलीसात फिर्याद दाखल केली आहे,श्रावण गणपत पवार, रा , नवगण राजुरी तालुका जिल्हा बीड ,अक्षय संजय जाधव ,राजू रामा गायकवाड बालमटाकळी तालुका शेवगाव ,मच्छिंद्र माणिक वंजारी रा ,मुरमी तालुका शेवगाव या चौघा विरोधात शेवगाव पोलिसात गुन्हा दाखल केला असून 324 ,323 ,504 , 506 ,34 ,25 या कलमान्वये गुन्हा दाखल करण्यात आला आहे .
