सुकळी : प्रतिनिधी __ ( सुखदेव गायकवाड ) –शेवगाव तालुक्याच्या पूर्व भागातील बोधेगाव येथे ग्रामीण रुग्णालय असून देखील मुख्य वैद्यकीय अधिक्षक व अधिकार्यासह मंजूर 25 पैकी 13 पदे रिक्त असल्याने नागरिकांना आरोग्याच्या दृष्टीने पुरेशा सुविधा वेळेवर मिळत नसल्याने रुग्णाची नेहमी हेळसांड होऊन गैरसोयमुळे आरोग्य यंत्रणेचा पूर्ण बोजवारा उडाला आहे. रुग्णालय असून अडचण नसून खोळंबा अशी परिस्थिती झाली असल्याने रिक्त पद भरावीत अन्यथा संघटनेच्या वतीने आंदोलन छेडण्याचा इशारा देखील लवकरच देण्यात येणार असल्याचे वंचित बहुजन आघाडीच्या महिला शेवगाव तालुका अध्यक्ष संगीताताई ढवळे यांनी म्हटले आहे, कोरोनाचा मुकाबला करण्यासाठी जगात सतर्कता बाळगून विविध उपाय योजना हाती घेण्यात आल्या, आरोग्य विभाग खडबडून जागे झाले मात्र बोधेगाव ग्रामीण रुग्णालयात उपचारासाठी वैद्यकीय अधिकारी व साधन सामुग्री नसल्याने रुग्णालय शोभेचे वस्तू बनले आहे ,.बोधेगाव व परिसरातील नागरिकांना अनेक वर्षापासून सुविधा उपलब्ध होत नाहीत ,सर्व सामान्य व गोर गरीबांना त्याचा काहीही फायदा होत नसून त्यांना खाजगी रुग्णालयात महाग उपचार करावे लागतात.गावातील महत्वाच्या प्रश्नाकडे सर्वच लोकप्रतिनिधी नी जाणीवपूर्वक दुर्लक्ष केल्यामुळे वंचित बहुजन आघाडी बोधेगाव लवकरच वंचित बहुजन आघाडीचे राज्य उपाध्यक्ष प्रा.किसन चव्हाण यांच्या मार्गदर्शनात व बन्नूभाई शेख जिल्हाउपाध्यक्ष ,संगीताताई ढवळे महीला तालुकाध्यक्ष ,धोंडीराम मासालकर बोधेगाव शहराध्यक्ष यांच्या नेतृत्वात व वंचित चे सर्व पदाधिकारी कार्यकर्ते व गावकरी व परिसरातील नागरिकांसह मोठे जन आंदोलन करणार आहोत व मागणी पूर्ण होई पर्यंत वंचित बहुजन आघाडी पाठपुरावा करणार आहे ,
