महाराष्ट्राचे उपमुख्यमंत्री तथा पुणे व बीड जिल्ह्याचे पालकमंत्री अजित पवार यांच्या गुंडांनी कर्तव्य बजावत असलेल्या आयपीएस महिला अधिकारी अंजना कृष्णा यांना अवैध उत्खननावरील कारवाईदरम्यान धमकावल्याचा गंभीर प्रकार उघड झाला आहे. या प्रकरणात अजित पवार यांनी पक्षातील गुंडांना अभय दिल्याचे व्हिडिओद्वारे स्पष्ट होत आहे.शासकीय महिला अधिकाऱ्याला धमकी देणे हा लोकशाहीला काळिमा फासणारा गुन्हा असून या संदर्भात अजित पवार व त्यांच्या गुंडांविरुद्ध तात्काळ खालील कलमांखाली गुन्हा दाखल झाला पाहिजे:IPC कलम 189 लोकसेवक,शासकीय महिलेला धमकीIPC कलम 506 गुन्हेगारी धमकी व जीवितास धोकाIPC कलम 509 शासकीय महिलेच्या प्रतिष्ठेला धक्काIPC कलम 186 शासकीय अधिकाऱ्याच्या कर्तव्यात अडथळाIPC कलम 130 सरकारी सेवकाला अडथळा आणण्यासाठी गुन्हेगारी बळIPC कलम 503 महिलेला भावनिक हानी पोहोचवणारी धमकीIPC कलम 354 गुन्हेगारी बळ वापरणे, पदाचा गैरवापर या प्रकरणात उपमुख्यमंत्री अजित पवार यांनी नैतिकतेच्या आधारावर तात्काळ राजीनामा द्यावा तसेच संबंधित गुंडांवर कठोर कारवाई करण्यात यावी, अशी मागणी आम आदमी पार्टी पुणे शहराध्यक्ष प्रशांत कांबळे (सामाजिक न्याय) यांनी केली आहे.तसेच, राज्य महिला आयोगाच्या अध्यक्षा रूपाली चाकणकर यांनी तातडीने पोलिसांना आवश्यक कारवाई करण्याचे आदेश द्यावेत, अशीही ठाम मागणी करण्यात आली आहे.
