पेठ बीड पोलिसांची कामगिरी दिनांक 17/06/2026 पेठ बीड पोलिसांनी गांधीनगर भागात गांजा विकणाऱ्या महिलेस अटक करून तिच्याकडून 6.074 कि.ग्रॅ. किंमती 36444/- रुपयांचा गांजा केला जप्तदिनांक 16/06/2026 रोजी पोलीस निरीक्षक निलेश केळे यांना गुप्त बातमीदारामार्फत बातमी मिळाली की, गांधीनगर भागात राहत असलेली महिला नामे कमलाबाई राधाकिसन खंडागळे वय 70 वर्षे रा. गांधीनगर ही झाडू बनवण्याचा व्यवसाय करत असून त्याच झाडूच्या आडून वयात येणाऱ्या तरुण मुलांना गांजा पिण्याच्या नशेच्या विळख्यात ढकलत आहे. अशी बातमी मिळाल्याबरोबर पोलीस स्टेशनचे नव्याने चार्ज घेतलेले पोलीस निरीक्षक यांनी पोलीस ठाण्यातील पोलीस अधिकारी व पोलीस अंमलदार यांना विश्वासात घेऊन अत्यंत गोपनीय सापळा लावून सदर महिलेच्या राहते घरी छापा मारला असता झाडू बनवण्याच्या शिंडोळीच्या खाली घरामध्ये 6.074 किलो ग्रॅम गांजा किंमती 36444 रुपयांचा गांजा मिळून आल्याने तो गांजा दोन पंचासमक्ष जप्ती पंचनामा करून सदर महिलेला महिला पोलीस अंमलदार यांचे मार्फत ताब्यात घेऊन पोलीस ठाणे पेट बीड येथे आणून सदर महिलेविरुद्ध सरकारतर्फे फिर्यादी होऊन फिर्याद दिली आहे. त्यानुसार पोस्टेला सदर महिलेविरुद्ध गु.र.नं. 194/2026 कलम 8 (क), 20 (ब), ii (ब) NDPS Act प्रमाणे गुन्हा दाखल करून तिला सदर गुन्ह्यात अटक करून तिला मा. न्यायालयापुढे हजर करून तिची पोलीस कोठडी घेतली आहे. सदर गुन्ह्याचा तपास सहा. पोलीस निरीक्षक नित्यानंद उबाळे हे करीत आहेत.सदरची कारवाई ही मा. पोलीस अधीक्षक श्री. नवनीत कंवत साहेब, प्र. पोलीस अधीक्षक चेतना तिडके, अपर पोलीस अधीक्षक मा. श्री. समीर शेख, उपविभागीय पोलीस अधिकारी श्री. वेंकटराम मा.पो.से. यांच्या मार्गदर्शनाखाली पोलीस निरीक्षक निलेश केळे, सहा. पोलीस निरीक्षक नित्यानंद उबाळे, पोहेकॉ/1353 सुभाष मोठे, पोहेकॉ/1803 नितीन राठोड, पोहे/559 उगले, पोहे/1065 माने, महिला पोलीस हवालदार रंजना सांगळे, रेश्मा जाधव, पोऔं/178 बहीर, पोऔं/2218 विष्णु गुजर, पोऔं/1987 ओंकार गिरी, पोऔं./1551 पांडुरंग परजने यांनी केली आहे.
